"Форматлах" гэдэг үгийг компьютертэй холбоотойгоор олон хэрэглэж байна. Компьютерээ форматлуулна, компьютерийг чинь форматлая, компьютер чинь форматлуулахгүй бол болохгүй болсон байна, компьютерийг ер нь форматлаж байх хэрэгтэй, миний компьютерийг форматлаад өгөөч гэх мэтээр яриад байдаг. Тэгэхээр компьютерийг форматладаг байх нь. Компьютер форматлах гэдэг нь яадаг хэрэг вэ?

"Компьютерээ форматлуулж" байгаа болон "компьютер форматлаж" байгаа гэх хүмүүсийг харж байхад ажиллагаа нь доголдож ямар нэг гэмтэлтэй болсон компьютерийг засаж асаах гээд ноцолдож байгаа нь мэдэгдэнэ. Эндээс үзвэл манайхны яриад байгаа "компьютер форматлах" гэдэг нь компьютер засварлах гэсэнтэй адил утга агуулдаг бололтой. Харин ярианд компьютер форматлуулах, компьютер засуулах гэдэг нь өөр өөр утгаар хэрэглэгддэг нь ажиглагдана.

Хоёр залуу ярьж байна аа.

1-р залуу: - Миний компьютер сүүлийн үед удаад байдаг болчихлоо.

2-р залуу: - Вирустсэн биз. Форматлачихаач.

1-р залуу: - Харин ээ, би сайн чадахгүй болохоороо нэг найзыгаа хүлээгээд байгаа юм.

2-р залуу: - Би форматлаад өгье.

Ингээд ажил эхэлж хоёр залуу нэлээн удаан ноцолдож байж сая нэг юм дуусав. Тэр хоёрын хийсэн ажлыг жагсаавал дараах байдалтай болж байлаа:

Ийм ажил хийгдэж дууссан байтал нөгөө хоёр залуу "компьютер форматлаад" гээд яриад байлаа. Тэгэхээр "компьютер форматлах" гэдэг нь нэлээн хэдэн цогц үйлдлийн нэгдэл бололтой.

Дээр өгүүлсэн тохиолдолд, дискийг дээр нь файл хуулж програм суулгахын тулд бэлдэж, зориулалтын програмаар цэвэрлэж, дараагийн ажилд бэлэн болгохын тулд хийдэг үйлдлийг техникт хэрэглэдэг утгаар нь "дискийг формат хийх" гэж хэлдэг. Форматлах гэдэг чинь энэ шүү дээ.
Эх сурвалж http://www.1920.mn/