Overclock гэж юу болох, ямар ач холбогдолтой, болгоомжгүйгээс ямар үр дүнд хүрч болох зэрэгийг та бүхэндээ багахан тайлбарлая.

Overclock бол компьютер сонирхогчдын хайртай ажлуудын нэг юм. Энэ нь компьютерийн ямар ч нэмэлт зардал гаргалгүйгээр илүү өндөр хурд, бүтээмжтэй болгох боломжийн бий болгодог. Гэхдээ буруу хийвэл аюултай. Overclokc хийхэд зөвхөн хариуцлага цаг хугацаа л хэрэг болно.

Overclock-ийг тайлбарлавал:
CPU, RAM гэх мэт төхөөрөмжүүдэд үйлдвэрээс тодорхой хурд буюу давтамжийг таарууж өгсөн байдаг. Үүнийг тусгай програм, драйвер эсвэл BIOS-ын тохиргоогоор нэмэгдүүлж болдог байна.
Overclock хийх боломж нь төхөөрөмж загвар болгонд өөр өөр байдаг бөгөөд хэрэглэгч маш анхааралтайгаар бага багаар нэмэгдүүлж хамгийн тохиромжтой хэмжээнд тааруулж болно.

Нэг үгээр хэлвэл 200$-ын CPU худалдаж аваад түүндээ Overclock хийж 400-500%, бүр 1000$-ын үнэтэй Extreme ангилалынх нь CPU-тэй яг адил болгох боломж байдаг.

Сүүлийн үеийн бараг бүх RAM, CPU, график картуудад overclock хийж болно. Бүр гар утасны чип, CPU-нд хүртэл overclock хийж болдог болсон байх юм.

Хэрэв тохирор хэмжээнээс хэтэрхий их болговол халалт их үүсэх, сэнстэй бол дуу чимээ ихтэй болох, бүр шатаж ч болно. Буруу overclock хийх нь компьютерийн хэд хэдэн эд ангийг, эсвэл бүхэлд нь ч "амьсгал хураалгаж" болох учраас хэлээн аюултай, өндөр хариуцлагатай ажил. Иймээс overclock-ийг компьютерийг бүрэн хүчэн чадлаар нь ашигладаг, компьютерийн өндөр мэдлэгтэй хүмүүс хийх нь зүйтэй.

Сүүлийн үеийн компьютерийн хүчин чадлын хамгийн ихээр шавхаж байгаа зүйл нь тоглоом л болчихоод байгаа. Тэгэхээр overclock нь тоглоомчдын дуртай ажил нь болдог.

Өмнө нь компьютерийн техник хамгамж үйлдвэрлэгчдээс өөрсдийн бүтээгдэхүүнд overclock хийсэн тохиолдолд баталгаат хугацаа нь хүчингүй болно хэмээн overclock хийхгүй  байхыг анхааруулдаг байсан бол сүүлийн хэдэн жил байдал өөрчилагдсөн.
Өндөр ангилалын бүтээгдэхүүн үйлдвэрлэдэг ASUS, XFX, eVGA гэх мэт фирмүүд бүр бүтээгдэхүүнээ overclock авах боломжоор нь хоорондоо өрсөлдөж, зарим нь сурталчилгаа баннераа энэ төрлөөр гаргадаг болсон гэж хэлж болно.

Gigabyte-ийн GeForce GTX480 Super overclock хувилбар.

Фирмүүд бүтээгдэхүүнээ тоглоомчдын сонирхолыг татахуйц, сонин, содон байдлаар хийж, энэ нь ч хэр их overclock орох боломжийг нь харуулдаг.
Overclock-ийг дагаад түүнд зориулсан тусгай сэнс, хөргөх төхөөрөмж, дээд зэрэглэлийн тэжээлийн блок, кэйс гэх мэт эд ангиуд тусгайлан үйлдвэрлэдэг олон компани бий болсон байна.