Нэг иргэн маш хүнд сурталтай албан хаагч дээр орж арайхийж нэг юм ажлаа амжуулав. Гарахын өмнө хармаагаа уудлахад хүнд сурталт эрийн толгойд, мөнгө харагдав… Тэгтэл түүнд мөнгө биш гондом өгөв. Сурталт эр:
-Яаж байгаа юм?
-Чам шиг ийм хүмүүс бүү үржиг!

Эрчүүд бааранд суун танилцаж бас элдэв юм ярьцгааж байна. Нэг эр нойрмоглоно. Бусад нь асуув:
-Хөөе чи чинь урьд шөнө унтаагүй юм уу даа?
-Тийм ээ… уур хүрээд…
-Яагаад?
-Авгай шөнөжин "Абрам аа, хэрэггүй ээ… үгүй ээ… Абрам аа” гэж орилоод унтуулсангүй.
-Тэгээд юунд нь уурладаг юм?
-Би чинь Абрам биш, Хаим байхгүй юу!
-Тэгсэн ч гэсэн сүйдтэй юм болоогүй л байна ш дээ.
-Юу сүйдтэй юм болоогүй гэж, эхнэр маань хүний хүнтэй шөнөжин орилоод хонож байхад уу?
-Чи өөрөө л манай эхнэр "хэрэггүй ээ… үгүй ээ…” гээд л хашгираад байсан гээ хэлээ биз дээ. Тэгэхээр шөнөжин зөвшөөрөөгүй л байна ш дээ!

-Чи надтай, Нора эгчээс зуслангийн байшин үе залгамжилж авлаа гээд гэрлэх гээд байгаа юм уу? Залуу:
-Үгүй үгүй. Хэнээс авах нь надад хамаагүй ш дээ…

Хоёр хүүхэн:
-Чи намайг ямар залуутай яаж амьдарч байгаа гэж бодно? Баян, үргэлж бэлэг бэлэглэж, намайг машинаар зугаалуулдаг. Би тэгээд гоё хоолоо хийгээд л гэрээ цэвэрхэн байлгаад л хувцсыг нь угаагаад л… Даан ч царай, бас чалх муутай…
-Тэгвэл чи нөхөрт гарсан биш зүгээр л цалин сайтай биенд амар ажилд орсон юм байна ш дээ!

Олон жил дуулж байгаа боловч өсдөггүй нэгэн дуучин дуулж байна. Үзэгчид дахиулав:
-Дахиад дахиад… Дуучин урам орж дахин дуулав. Үзэгчид:
-Дахиад нэг дахиад нэг дуу дуулчих, хэмээн хашгиралдана… Дуучин дахиж дуулав. Үзэгчид:
-Дахиад нэг дахиад нэг…Дуучин:
-Ээ, бурхан минь, та нар яагаад намайг ийм олон дахиулаад байгаа юм бэ? Үзэгчид:
-Чамайг дуулуулж сургах гэсэн юм аа… Дахиад нэг дахиад нэг!

Автобусанд нэг өндөр туранхай хүүхний ард зогсож буй намхан бүдүүн эр:
-Хөөе, та наад тохойгоо…
-Наадах чинь миний тохой биш ээ, бөгс.
-Хм, бөгс ч гэсэн дээ…

-Чиний минь нүүр ямар сайхан юм бэ!
-Яг ш дээ. (Охин чихээрээ нүүрээ таглав)…

Хоёр халзан эр маргана:
-Чи надаас илүү халзан!
-Үгүй чи!
-Яагаад?
-Яагаад гэвэл чиний толгой минийхээс том!

Багш:
-Хүүхдүүд ээ, та нарт миний юу таалагддагийг хэлцгээ. Би, та нарыг том болоод ямар мэргэжилтэй хүмүүс болохыг чинь хэлж өгье. За Ваня.
-Таны үс надад таалагддаг.
-Чи том болоод сайн үсчин болох юм байна. Маша?
-Таны нүд надад таалагддаг.
-Маша, чи сайн нүдний эмч болох юм байна. Вовка!
-Би ямар хүн болохоо мэднэ ээ.
-Ямар хүн болох юм бэ?
-Сүүн заводын ажилчин болно!

-Вовка, миний хүү аавтайгаа юу хийж байв, хэмээн ээж нь асуув.
-Аав бид хоёр өдөр болгон нуурны гол хүртэл завиар яваад би эрэг рүү сэлж ирдэг байсан…
-Ээ бурхан минь, тэр чинь маш том нуур шүү дээ.
-Сэлэх нь ч гайгүй ээ, харин шуудайнаас гарах л гэж жаахан зовдог байсан.

-Вова, чиний амьдралын хамгийн сайхан он жилүүд?
-Нэгдүгээр ангид сурсан жилүүд…

Изя Израильд ирэв. Хамгийн түрүүнд yanhniy газарт ирэв.
-Би зөвхөн Саара-г л авна,
-Саара завгүй байна аа.
-Би хүлээнэ ээ…
…Изя Саара-д 200 ногоон өгөв.
-Изя, чи ямар их мөнгө өгдөг юм бэ! Маргааш нь бас л Саара-г авав, Бас л 200 ногоон өгөв. Нөгөөдөр нь мөн адил. Гайхсан Саара:
-Изя чи яагаад надад ийм их мөнгө өгөөд байгаа юм бэ?
-Зүгээр ээ, ав ав. Эмээ чинь чамд 600 доллар өгч явуулсан юм!

Нэгэн еврей эр, дампуурч байгаа фирмийн дэлгүүрт ажилд оров. Хэд хоногийн дараа фирмийн орлого хэдэн арав дахин өсөв. Гайхсан фирмийн эзэн дэлгүүртээ орж ирэв. Еврей эр нэг хүнд хэлж байна:
-Танд хэрэгтэй дэгээ энэ байна. Танд уургаа бий юу?
-Байхгүй ээ.
-Тэгвэл та энэ уургыг ав, танд яг тохирно. Тэгээд бас энэ дамар… Та нуурын гол руу нь явж загас барьвал сайн л даа, тэгэхээр танд сайн чанарын завь хэрэгтэй. Энэ завь л хамгийн сайн завь даа. Мотор нь ажиллагаа сайтай найдвартай… Та ямар машинтай билээ?
-Жигули-тэй,
-Өө, жигули дээр энэ завийг ачна гэж байхгүй, тэгээд ч завийг тусгай чиргүүл дээр ачвал зүгээр байдаг юм. Тэгэхээр та манайхаас нэг чиргүүлтэй Жийп ав, Алийг нь авах вэ, Ланд уу, Ниссан уу?
-…. Ланд нь дээр биз дээ
-За, за бүгдийг нь бичлээ шүү!!!
-За… бичүүлье ээ…
-За, 62 мянган доллар…Үйлчлүүлэгчийг явсны дараа Босс түүнийг магтав.
-Их сайн байна. Загасны дэгээнээс эхэлсэн гэхэд их сайн.
-Уг нь бол саяны хүн эхнэртээ ариун цэврийн хэрэгсэл авах гэж орж ирсэн юм л даа… Тэгэхээр нь би, тэгвэл та гэртээ хэд хоног юугаа хийдэг юм, загасанд яваач гээд дэгээ үзүүлсэн юм…

-Вася, эхийн эрхт ёс гэж юу юм бэ?
-Эхнэр чинь буруу харж хурхираад л… Чи хүүхдүүдээ цэцэрлэгээс аваад, аавынхаа хийсэн кашийг идүүлээд л…

-Байрыг ямар хүнд хөлслүүлбэл хамгийн зүгээр вэ?
-Хэлгүй дүлий, ганц бие баян чалхгүй эрд.

Хоёр монтёр шонгийн модон дээр сууна. Доогуур нь нэг эмээ явж байна.
-Эмээ, тэр утасны үзүүрийг нааш нь аваад өгөөч. Эмээ утсыг нь аваад өгөв.
-Тэр зүгээр л байгаа биз дээ, чи тэгэхэд токтой үзүүр, хүрч болохгүй гээд л айгаад байсан…

Нэг эр ресторанд орж ирэв:
-Надад архи хэрэггүй ээ, би машинтай яваа… Хэдэн хормын дараа үйлчлэгч шилэн савтай архи бариад ирэв:
-Одоо та ууж болно оо, машиныг чинь хулгай аваад явчихаж

Хамтралын дарга, дээд газраас, гадаадын зочдод стриптиз үзүүлэх даалгавар авав. Хурлаар хэлэлцэв:
-За байз, Манькагийн ажил сайнгүй байгаа… Тэгээд ч бие хаа нь бүдүүн хатуун… Дунька чинь ажил нь сайн боловч боловч намын гишүүн биш… Даша эгч дээр л тогтоё доо. Ажилдаа сайн, туранхай шөрмөслөг биетэй. 24 оны намын гишүүн хүн…

Хатуу тоглоомтой жолооч

-Би дэлгүүр рүү гялс ороод гараад ирсэн чинь нэг замын цагдаа машин буруу газарт тавьсан гээд торгуулийн хуудас бичээд зогсож байна. Би түүнийг эр хүн биш эм хүн гэдгийг нь хэлэв. Тэр машины дугаарыг тэмдэглэн авч дахиад нэг хуудас нэмж бичээд шилэн дээр наачихав. Би түүнийг хүн ч биш нохой гэдгийг нь хэлэв. Тэрээр дахиад нэг хуудас нэмж бичиж наав. Би түүнд, намгийн мэлхий ч түүнээс дээр гэдгийг нь ойлгуулахыг оролдов. Тэрээр дахиад нэг торгуулийн хуудас бичиж эхлэх үед би булангийн цаана зогсоол дээр байгаа өөрийнхөө машин руугаа явсан юм. Хоөрхий тэр машины жолоочийг арай л хэтрүүлчихсэн байх аа… Миний энэ шогч зан уу…

Шинэ бодлогууд:

Та 5 кг алттай болмоор байна уу?

Шалан дээр хэмжээгээрээ яг адилхан, хоёулаа алт шиг шар өнгөтэй, тус бүр нь 5 кг жинтэй, хоёр адилхан цилиндр биет байна. Нэг нь ердийн цул биет, нөгөө нь дотроо хөндий, алтаар хийгдсэн цилиндр. Хоёр биет хоёулаа соронзонд татагдахгүй. Азаар биш ухаанаа сонголт хийж 5 кг цул алттай болж Та чадах уу? Биетүүдэд хүрч болно.

Хараагүй хүний дүр эсгэгч

Дунд эргэм насны, тас хар нүдний шилтэй, нэг гартаа нохой хөтөлж нөгөө гартаа цагаан таяг барьсан эр хотын гудамжаар хараагүй хүн мэт явна. Хэрвээ тэр хэн нэгнээс нуугдаагүй, хулгайч дээрэмчин биш бол ямар учраас хараагүй хүн болж жүжиглэв?

Түрүүчийн дугаарт нийтлэгдсэн бодлогын хариунууд

Төрсөн өдөр

Уржигдар Фред 17 настай байсан. Дараа жил 20 настай болно. Ийм тохиолдол байж болох уу? Хариу:
Хэрвээ дараах маягаар тооцвол болох юм. Фред 12 сарын 31 -нд төрсөн бөгөөд 1 сарын 1-ний өдөр уг бодлогыг бодуулсан гэж саная. Тэгвэл уржигдар буюу 12 сарын 30-нд Фред 17 настай, өчигдөр 12 сарын 31 -нд 18 настай, энэ жил буюу 1 сарын 1-нд 19 настай, дараа жил 20 настай болох нь үнэн байна.

Диваажинд

Нэг эр диваажинд иржээ.Тэнд үй түмэн нүцгэн хүмүүс явах бөгөөд мөнөөх эр тэдний дундаас Адам Ева хоёрыг олж танив,
Асуулт: Тэр эр Адам Ева хоёрыг яаж таньсан бэ?
Тайлбар: Диваажин байдаг эсэхийг бид батлаагүй ч уг явдал тэнд болсон гэж төсөөлөөрэй. Бас Бурхан энэ дэлхийн хамгийн анхны эр эм болох Адам Ева хоёрыг бүтээсзн гэдэгт итгэж бодлогоо бодоорой.

Хариу:
Адам Ева хоёр эхээс төрөөгүй учир хүйсний нүх гэж байдаггүйг мань эр сэтгэжээ.