Багтаамж. Өөрийн хэрэгцээндээ бодож байгаагаас жаахан том хэмжээтэйг худалдан авбал зүгээр. Ядаад хэдэн кино хуулчих зай илүү бодож авах хэрэгтэй. Таньд 160gb хангалттай гэж бодож байгаа бол 250gb-ийг авахад зүгээр. Дараа нь таны хэрэгцээ ийм их болж өсөхийг "хөх тэнгэр” ч мэдэхгүй шүү дээ.

Brand. Энэ зах зээлд томоохон байр суурьтай, хүмүүсийн сайн мэддэг Seagate, Samsung гэсэн хоёрхон л brand байдаг. Үүнээс гадна Maxtor, Western Digital, Hitachi нэлээд нэртэй. Эдгээрээс худалдан авах гэж байгаа HD дээрээ харвал эргэлзэхгүй байж болно.

Хурд. Энэ их чухал ойлголт. Бидны хуулаад байгаа юм чинь удаад байвал энэ хурдны байдал тийм гэж ойлгоход болно. HD дээр 5400 rpm, 7200 rpm эсвэл үүнээс их байвал уншиж бичих хурд мөн хурдан байна. Хурд нь HD-ны үнэнд чухал нөлөө үзүүлдэггүй зөвхөн бусад төрлийн HD-ээс давуу байх чанарт л нөлөөлдөг.

Баталгаа. Ихэвчлэн гэмтлийн талаар дурдагдсан байдаг. Үйлдвэрийн гэмтэл байвал буцааж болно бусад гэмтэл байвал харин тодорхой нөхцлүүдээр хязгаарласан байдаг. Монголоос авч байгаа бол энэ ч хамаагүй ойлголт болчихно. Тухайн худалдан авч байгаа газраасаа хэдэн сарын баталгаа авсан тэр дотроо л согог нь гараасай гэж найдах хэрэгтэй.:)

Нэмэлт програм хангамж. Тухайн төхөөрөмжтэй дагалдан ирсэн програм хангамж байгаа бол түүнийг нь заавал авах хэрэгтэй. Голдуу Disk Manger, Disk Partition, Disk clean up, Disk Defragmentation гэсэн HD-г гэмтэлгүй байлгах тал дээр хэрэгтэй програм хангамжууд байдаг.

Нэг иймэрхүү зүйлсийг мэдэж байхад муу HD авахгүй. Нэмж хэлэхэд SATA (Serial Advanced Technology Attachment), PATA гэж яриад байдаг. Хэрэв SATA hard таарвал ямартай ч зарим нэг PCд таардаггүй гэдгийг санаад аваарай.

Эх сурвалж http://www.dot.mn