ADSL үйлчилгээний бараг бүх хэрэглэгчид нэг гэрээгээр интернэтэд холбогдож дотоод сүлжээндээ тарааж ашигладаг бөгөөд тэгэж тараалгахын тулд таних танихгүй хүнд ихээхэн мөнгө төлж голдуу доорхи маягаар тараалгасан байдгийг бид туршлагаасаа олж мэдсэн юм. Доорхи нь хэн ч хийхэд төвөг гараад байхааргүй хамгийн энгийн тараалт бөгөөд бусад прокси программуудтай харьцуулахад дутагдалтай тал нь ийн тарааснаар интернэтийн хурд удааширдаг явдал юм. Та үүнийг өөрөө чадна гэдэгтээ бүү эргэлз, маш энгийн.

Интернэтийг дотоод сүлжээнд тараахын тулд эхлээд толгой компьютер дээрээ интернэт холболтоо хийх хэрэгтэй. Холболт хийх зааврыг өмнө заасан билээ.

Интернэтийг дотоод сүлжээнд тараахын тулд толгой машин тань 2 дотоод сүлжээний карт(LAN card)тай байх хэрэгтэй. Нэг карт нь ADSL модемтой холбогдох бөгөөд нөгөө  LAN card нь дотоод сүлжээний хаб эсвэл свич рүү холбогддог.

Эхлээд Start ---> Settings ---> Network Connections гэсэн дээр хулганы баруун товчийг дарж гарч ирсэн цэснээс Open гэснийг сонгоход Network Connections хэмээх цонх нээгдэнэ.

Манай жишээн дээр Network Connections цонхонд Модемтой холбогдсон холболтыг Wide Area Connection, дотоод сүлжээнд холбогдсон холболтыг Local Area Connection, интернэттэй холбогддог холболтыг micom_ADSL гэж нэрлэсэн байна. ADSL холболт дээр хулганаар хоёр товшиход доорх цонх нээгдэнэ.

Нээгдсэн цонхноос Properties гэсэн товчийг дарахад холболтын тохиргооны цонх нээгдэнэ.

ADSL холболтын Properties цонхноос Advanced гэсэн рүү ороод Internet Connection Sharing хэсгийн Allow other network users to connect through this computer's Internet connection гэснийг сонгоно. ADSL холболтыг тараах сүлжээгээ Home networking connection гэсэн сонголтод сонгоно. Өөрөөр хэлбэл дотоод сүлжээний switch эсвэл hub-тай холбогдсон сүлжээгээ сонгоно гэсэн үг.

Хэрэв дотоод сүлжээний хэрэглэгчдийг интернэт рүү ороход энэ холболт автоматаар холбогдох боломжтой байлгахыг хүсвэл Establish a dial-up connection whenever a computer on my network attempts to access the internet гэсэн сонголборыг сонгоно. Дотоод сүлжээнээс интернэтэд орох хэрэг гарах бүрт холболтоо хийж ажил болж байхгүйн тулд энэ сонголтыг хийх нь дээр.

Хэрэв дотоод сүлжээний хэрэглэгч энэ холболтоор тарааж буй интернэтийг идэвхгүй болгох, таслах, тохиргоог нь өөрчлөх боломж олгохыг хүсвэл Allow other network users to control or disable the shared Internet connection гэснийг нь сонгоод OK  товчийг дарна.

Толгой компьютер дээрээ хийх тохиргоо ингээд боллоо. Харин дотоод сүлжээнд холбогдож байгаа компьютер бүрт доорхи тохиргоог хийнэ.

Эхлээд Start ---> Settings ---> Network Connections гэсэн дээр хулганы баруун товчийг дарж гарч ирсэн цэснээс Open гэснийг сонгоход Network ConnectionsLocal Area Connection гэсэн холболт дээр хулганы баруун товчийг дараад гарч ирсэн цэснээс Properties гэснийг нь сонгоход доорх цонх нээгдэнэ. хэмээх цонх нээгдэнэ. Нээгдсэн цонхноос

Internet Protocol (TCP/IP) гэснийг нь тэмдэглээд Properties товчин дээр дарахад дараах цонх нээгдэнэ.

Гарч ирсэн цонхны Optain IP address automatically мөн Obtain DNS server address automatically гэсэн сонголтууд сонгогдсон эсэхийг шалгаад хэрэв тиймгүй бол тэдгээрийг сонгоод ОК товчийг дарна.

Хэрэглэгчдийн хүсэлтээр нэмэлт хийх хэрэгтэй боллоо.

Хэрэв клиент компьютерууддаа IP хаягийг гараар оноож өгөх шаардлагатай байдаг бол доорхи хэлбэрээр хийгээд үз: (Мэдээж зөвхөн клиент компьютерууд дээрээ доорхи маягаар тохируулна)

Use the following IP Address: гэж сонгоод
IP address: 192.168.0.XXX (XXX үсэгний оронд 2-254 хүртэлх тоо байна гэдгийг сана)
Subnet mask: 255.255.255.0
Default Gateway: 192.168.0.1  (Энэ бол толгой компьютераас switch рүү холбогдсон LAN картны IP)

Use the following DNS server addesses: гэснийг сонгоод
Preferred DNS server: 202.179.0.106
Alternate DNS server: 202.179.0.105 гэж бичээд ОК товчийг дарна. 

За ингээд та хамгийн хялбархан аргаар интернэтээ дотоод сүлжээнд тараачихлаа.

Эх сурвалж http://share4all.miniih.com