Анх 1968 оны 12 дугаар сарын 9-нд эрдэмтэн Дуглас Энгелбарт Сан-Франциско хотод болсон компьютерийн бага хурал дээр бусад шинэ бүтээлийн хамт хулганы хамгийн анхны загварыг үзүүлжээ. Уг төхөөрөмж нэн энгийн харагдаж байсан бөгөөд энэ нь компьютерийн дэлгэцэн дээрх курсорыг удирддаг нарийн утас бүхий жижигхэн дугуйнуудтай модон шоо байжээ. Түүнийг компьютертай холбодог нарийн утас нь хулганы сүүлийг санагдуулж байсан учраас ийн нэрлэсэн байна. 1981 онд "Ксерокс" компани компьютерийн "Эпл" системийн хамтаар хулганыг анх удаа худалдаанд гаргасан байна. Харин 1984 онд өөрийн "Микинтош" системийн хулгана үйлдвэрлэх патент худалдан авсан "Эпл" концернын ачаар жинхэнэ шинэ төхөөрөмж гарч ирсэн юм. " Майкрософт" компани хулганыг өөрийн "Виндоус" системд зориулан сонгож авсны дараа худалдаанд эхээр гарчээ.