Google

Google Inc.

Анги	Хувьцаат компани (NASDAQ: GOOG, FWB: GOOG)
Үйлдвэрлэлийн үйл ажиллагаа	Интернэт, Програм хангамж
Үүсгэн байгуулагдсан	Менло Парк, Калифорни (1998 оны 9 сарын 4)[1][2]
Үүсгэн байгуулагч(ид)	Сергей Брин Ларри Пэйж
Удирдах байр	1600 Amphitheatre Parkway, Mountain View, Калифорни,  Америкийн Нэгдсэн Улс
Үйл ажиллагааны бүс	Дэлхий даяар
Удирдах хүмүүс	Эрик Шмит (Дарга, CEO) Сергей Брин (Технологийн ерөнхийлагч) Ларри Пэйж (Бүтээгдэхүүний ерөнхийлөгч)
Бүтээгдэхүүнүүд	Google-н үйлчилгээнүүд
Орлого	▲US$23.651 тэрбум (2009)[3][4]
Үйл ажиллагааны орлого	▲US$8.312 тэрбум (2009)[3][4]
Ашиг	▲US$6.520 тэрбум (2009)[3][4]
Нийт хөрөнгө	▲US$40.497 тэрбум (2009)[3][4]
Нийт хувьцааны мөнгөн дүн	▲US$36.004 тэрбум (2009)[4]
Ажилчид	21,805 (2010)[5]
Охин компаниуд	YouTube, DoubleClick, On2 Technologies, GrandCentral, Picnik, Aardvark, AdMob
Албан ёсны вэбсайт	Google.com

Google Inc. буюу Гүүгл нь cloud computing, интернэт хайлт, зар сурталчилгааны технологийг хөгжүүлдэг, дэлхий даяар цар хүрээтэй хувьцаат компани юм. Google нь Интернэтэд тулгуурласан хэд хэдэн үйлчилгээ, бүтээгдэхүүнийг хост хийж хөгжүүлдэг бөгөөд AdWords үйлчилгээ дээр тулгуурласан зар сурталчилгаагаараа ихэнх орлогоо олдог.^[3][6] Тус компанийг Станфордын Их Сургуульд докторын зэрэг хамгаалж байх үедээ Ларри Пэйж, Сергей Брин (Google-н залуус буюу Google Guys гэдэг) нар байгуулжээ^[7][8][9]. 1998 оны 9 сарын 4-нд хувийн компани болж байгуулагдсан бөгөөд 2004 оны 8 сарын 19-нд IPO-гаа хийжээ. Google компаний зорилго нь "дэлхийн бүхий л мэдээллийг дэлхий даяар хандагдах болох, хэрэгтэй байдалд эмхлэн байгуулах" бөгөөд^[10] албан бус уриа нь Google-н инженер Пол Бакхэйтийн гаргасан Хорон санаатай байж болохгүй (Англи хэл: Don't be evil) юм.^[11][12] 2006 онд тус компани нь Mountain View, Калифорни дахь одоогийн төв байр "Googleplex"-даа нүүн оржээ.

Google нь дэлхий даяар байрлах өгөгдлийн төвүүддээ сая гаруй сервер ажиллуулдаг бөгөөд^[13] өдөр бүр тэрбум гаруй хайлт,^[14] хэрэглэгчдийн бүтээсэн хорин петабайт мэдээлэл боловсруулдаг.^[15][16][17] Үүсгэн байгуулагдсан цагаасаа хойш маш хурдацтай өссөний үр дүнд тус компани нь хайлт хийх салбараасаа гадуур хэд хэдэн бүтээгдэхүүн, худалдан авалт, хамтын ажиллагааны гэрээ хийжээ. И-мэйлийн Gmail програм, сошат сүлжээний Orkut, Google Buzz зэрэг интернэтэд байрлах програмуудтай. Онлайнаас гадна Google Chrome вэб хөтөч, зураг янзалж, засварладаг Picasa, мессенжерийн Google talk гэх зэрэг компьютер дээр байрлуулдаг програмуудыг ч гаргажээ. Мөн Андройд гар утасны үйлдлийн системийн хөгжүүлэлтийг тэргүүлэн гүйцэтгэдэг бөгөөд энэхүү OS нь Nexus One, Motorola Droid зэрэг маш олон гар утас дээр суурилдагдсан байдаг. Google-г Alexa Internet хамгийн их зочинтой вэбсайт хэмээн тэмдэглэжээ.^[18] Google-г Fortune сэтгүүл дөрөв дахь сайн ажлын байр,^[19], BrandZ дэлхийн хамгийн хүчтэй брэнд хэмээн онцолжээ.^[20] Google-н үйлчилгээнүүд зах зээлд тэргүүлэх байр суурь олсоноор түүнийг хувийн мэдээлэл, зохиогчийн эрх, цензур гэх зэргийн асуудлуудад шүүмжлэх болов.^[21][22]

[засварлах] Гадаад холбоос